Darganfyddwch y cwrs Swoleg i chi
Addysgu’r byd go iawn.
Mae'r addysgu a'r cyrsiau y mae Bangor yn eu cynnig heb eu hail.
[0:03] Mor, mor gyffrous! Mae hi’n grêt cwrdd gyda Steve! Mae’n gyfle mor grêt i hyd yn oed cael gweld
[0:09] y Fenai mewn ffordd wahanol hefyd.
[0:12] Un o’r rhesymau i mi ddewis dod i Fangor oedd i gael bod mewn ardal fel hon,
[0:16] Does dim ffordd well o dreulio’r prynhawn i ddweud y gwir!
[0:23] Rydym yn mynd allan i’r afon Menai Fenai ac yna i Ynys Seiriol gyda chriw o fyfyrwyr gwyddorau naturiol
[0:28] i gael blas o’r gorau sydd gan yr ardal yma i’w chynnig.
[0:47] Wel, hyd yma rydym wedi gweld y gorau o’r bywyd gwyllt o’r rhan yma o’r byd, yn enwedig yr adar.
[0:53] Mae’r ysgafelloedd yn dew, bron i bob centimedr, wedi ei orchuddio gyda heligogod, gwylanod
[0:59] ac rydym wedi gweld mulfrain gwyn ac wrth gwrs y palod (puffins).
[01:02] Mae’n debyg mai dyma pam wnes i benderfynu creu perthynas gyda Bangor.
[01:06] Oherwydd yr hyn rydych yn ei weld yn y fan yma. Gall unrhyw sefydliad fuddsoddi mewn isadeiledd.
[01:11] Gall unrhyw sefydliad gael adeiladau mwy, neu gael mwy o addysgu.
[01:14] Ond does dim buddsoddiad yn y byd all gael hyn.
[01:18] Hyn ar ein trothwy, sy'n gwneud Bangor y lle gorau i astudio’r gwyddorau naturiol.
[01:30] Mae’n wych. Yn amlwg dim ond jyst y cwmni gyda Steve yma, mae gweld y bywyd gwyllt, y gwylanod coes-ddu...
[01:37] y mulfrain, y morloi a’r math yna o beth. Hollol ryfeddol a phrofiad unigryw iawn.
[01:41] Mae Steve yn ddyn clên iawn. Ia, hollol anhygoel. Does unman gwell i fod.
[01:46] Mae hi wedi bod yn brynhawn anhygoel. Dwi’n teimlo fy mod wedi cael fy ergydio ychydig ac yn rynllyd.
[01:51] Ond, i allu dod allan yma, a mi allwch weld y Brifysgol o fan hyn.
[01:56] Gallwch weld y neuaddau preswyl o fama. I fod yn fyfyriwr yma, a meddwl y gallwch orffen astudio
[02:01] a dod lawr yma a padlfyrddio neu gaiacio allan ar y Fenai a chael hyn fel ffordd o leihau straen arholiadau.
[02:08] Mae hynna yn hollol anhygoel i mi.
Gradd er Anrhydedd Syr David Attenborough
"Mae gan Brifysgol Bangor enw rhagorol ym maes astudio gwyddorau'r amgylchedd a'r môr. Mae arnom angen pobol efo'r arbenigaeth a'r sgiliau ymchwil hollbwysig i geisio datrys problemau'r byd."
Proffil Myfyriwr Amy Stout
"Bu astudio ³§Åµ´Ç±ô±ð²µ gydag Ymddygiad Anifeiliaid yn brofiad anhygoel. Mae yma ddarlithwyr ysbrydoledig yn ymchwilio i lawer o bynciau amrywiol, ac o’n cwmpas mae bioamrywiaeth anhygoel Gogledd Cymru."
Proffil Myfyriwr James Szewczyk
"Mae swoleg gyda herpetoleg yn darparu amrywiaeth eang o fewn y modiwlau, a phob un yn wirioneddol ddiddorol a hwylus."
Cyfleusterau Rhagorol
Bydd ein cyfleusterau yn dod â'r hyn rydych wedi ei ddysgu yn fyw
Mae’r cyfleusterau yn cynnwys:
- ein hamgueddfa hanes natur ein hunain
- gardd fotaneg
- acwaria dŵr croyw a morol
- casgliad o nadroedd gwenwynig
- labordy pridd tanddaearol mwyaf Ewrop
- adardai
- llong ymchwil sy'n mynd dros y môr
- fferm ymchwil weithredol
Gwylio - Gardd Fotaneg Treborth
Trawsgrifiad fideo: Gardd Fotaneg Treborth
Yng Ngardd Fotaneg Treborth, ychydig funudau o ganol Bangor, mae rhywbeth eithaf prin.
Mae hwn yn labordy byw, lle mae addysgu, ymchwil a chymuned yn dwad at ei gilydd mewn un lleoliad rhyfeddol.
Mae’n rhan o Safle o Ddiddordeb Gwyddonol Arbennig, mae coetir arfordirol Treborth yn un o'r cynefinoedd mwyaf nodedig yng Nghymru.
Mae'n safle lle mae myfyrwyr yn dysgu am ecosystemau trwy gamu i mewn iddynt.
Bioleg, cadwraeth, Gwyddorau amgylcheddol, Coedwigaeth, a hyd yn oed cysylltiadau gyda meddygaeth, mae Treborth yn cefnogi addysgu ar draws ystod eang o bynciau.
Yma, mae dysgu yn ymarferol, sef ‘hands on’
Mae hefyd yn gyfleuster ymchwil gweithredol, sy'n cefnogi gwaith sy'n bwysig yn lleol ac yn fyd-eang.
Y tu mewn i'r tai gwydr trofannol, dach chi’n medru gweld rhywogaethau o bedwar ban y byd, tra y tu allan, mae casgliadau arbenigol yn cynnwys gardd perlysiau sy'n cael ei datblygu mewn cydweithrediad efo addysgu meddygol Prifysgol Bangor.
Mae'r ardd yn gynnwys 45 erw, yn llawn casgliadau a chynefinoedd amrywiol.
Ar draws y DU, mond chydig iawn o brifysgolion sy gan gyfleuster fel hyn ac mae Treborth yn un o ddim ond llond llaw yng Nghymru.
Y peth sy'n neud i Dreborth bod yn arbennig ydy'r bobl. (un o bethau?)
Mae cymuned brwd o wirfoddolwyr, cefnogwyr lleol a myfyrwyr yn gweithio ochr yn ochr. Mae profiad yn cael ei rannu rhwng cenedlaethau yma, ac mae gwybodaeth yn cael ei rhannu pob dydd.
Mae yna bob amser rhywbeth yn digwydd yn Nhreborth. Gwerthu planhigion tymhorol, prosiectau cadwraeth newydd ac o bryd i'w gilydd... gwartheg yn crwydro trwy'r tir cyfagos.
Dan arweiniad arbenigwyr angerddol a chefnogaeth gwirfoddolwyr ymroddedig, mae Treborth yn parhau i dyfu fel canolfan ar gyfer addysgu, ymchwil ac ymgysylltu.
I fyfyrwyr ym Mhrifysgol Bangor, nid cyfleuster yn unig yw hwn.
Cyfle i addysgu mewn ffordd gwahanol.
Cyfle i ymchwilio yn y byd go iawn.
Cyfle i fod yn rhan o rywbeth sy'n ymestyn ymhell y tu hwnt i'r ystafell ddosbarth.
Prifysgol Bangor, Yr amgylchedd yw eich addysg yma.
Unrhyw gwestiynau? Sgwrsiwch gyda myfyrwyr a staff
A oes gennych unrhyw gwestiynnau am fywyd myfyriwr ym Mangor? Mae ein llysgenhadon yn barod i’ch helpu gael yr ateb.
Gall ein myfyrwyr ddweud mwy wrthoch am y profiad o astudio yma, am y Clybiau a Chymdeithasau gwych sydd yma, a sut bu iddynt hwy wneud ffrindiau ac ymgartrefu yn y Brifysgol fel myfyriwr Swoleg.
Os oes gennych unrhyw gwestiynau am y cwrs, mae ein darlithwyr wrth law i helpu. Dyma rai cwestiynau a ofynnir yn aml. Oes gennych chi unrhyw gwestiwn arall i'n darlithwyr?
- Pa rinweddau sydd gan fyfyrwyr Swoleg llwyddiannus ym Mangor?
- Beth allai wneud i baratoi at astudio Swoleg ym Mangor?
- Sut ydw i yn gwybod mai Swoleg ym Mangor yw’r dewis iawn i mi?
Ein Hymchwil o fewn Swoleg
Mae darlithwyr ac ymchwilwyr ym Mhrifysgol Bangor yn gwneud ymchwil i nifer fawr o feysydd sŵolegol, ac mae'r gwaith hwnnw yn mynd â nhw i bob cwr o'r byd. Rydym yn annog myfyrwyr i ymwneud â nifer o'r projectau hyn ac i fanteisio ar y cyfleusterau blaengar sydd ar gael yma. Mae gennym sylfaen ymchwil helaeth a thrwyadl sy'n cynnwys ecoleg foleciwlaidd, biogeocemeg a gwyddor planhigion, ffisioleg, ymddygiad a chadwraeth anifeiliaid. microbioleg, parasitoleg a biotechnoleg, geneteg pysgodfeydd, DNA hynafol, bioleg esblygiadol a chadwraeth, biogeocemeg, biohydrofeteleg, biocemeg cynnyrch planhigion a ffisioleg straen (planhigion), biogeocemeg gwlypdiroedd, niwroffisioleg anifeiliaid cramennog, niwroffisioleg anifeiliaid cramennog, ymatebion anifeiliaid i straen a microbioleg gymhwysol.
Lleoliad Bangor
Efallai y bydd gennych ddiddordeb yn y meysydd pwnc yma hefyd.
Efallai y bydd gennych ddiddordeb yn y meysydd pwnc yma hefyd.
