³ÉÈËVRÊÓƵ

Mae’r modiwl / dyfarniad Addysgu Ymarfer wedi’i gynllunio i baratoi gweithwyr cymdeithasol cofrestredig ar gyfer cynnig lleoliad dan asesiad i fyfyriwr gwaith cymdeithasol. Gall hyn fod o fewn rhaglenni cymhwyso proffesiynol ar lefel israddedig neu ôl-raddedig/meistr. Comisiynir y modiwl drwy bartneriaeth chwe awdurdod lleol Gogledd Cymru (Conwy, Sir Ddinbych, Sir y Fflint, Gwynedd, Wrecsam ac Ynys Môn). Cydlynir y modiwl gan Brifysgol Bangor, gyda phartneriaeth addysgu ychwanegol gan Brifysgol Wrecsam.

I bwy mae’r cwrs hwn yn addas?

Mae'r cwrs hwn yn benodol ar gyfer gweithwyr cymdeithasol cofrestredig yng Nghymru sydd ag o leiaf 3 mlynedd o brofiad ymarfer ôl-gymhwyso. Bydd cyflogwyr yn sicrhau y neilltuir myfyriwr gwaith cymdeithasol i ymgeiswyr ar y modiwl hwn i ddarparu lleoliad. Mae’r lleoliadau yma yn lleiafswm o 80 diwrnod.

Pam astudio’r cwrs?

Mae'r modiwl yn rhoi cyflwyniad i addysgu ymarfer gwaith cymdeithasol yng Nghymru. Yn ogystal â gwybodaeth am gynllunio a rheoli lleoliad cyfan, archwilir cysyniadau dysgu ac addysgu oedolion, ystyrir ffactorau sydd yn creu amgylchedd ffafriol i fyfyrwyr ddysgu, datblygu sgiliau a hyder wrth asesu cymhwysedd, darparu adborth effeithiol ar ymarfer a chofnodion ysgrifenedig, adnabod anghenion a chyfleoedd dysgu pellach ac adnabod pan fo myfyrwyr yn cael trafferth. 

Mae’r modiwl wedi’i gymeradwyo gan . Wrth gwblhau’r cwrs yn  llwyddiannus, caiff ei ystyried fel cymhwyster asesydd cydnabyddedig o fewn y Fframwaith ar gyfer y Radd mewn Gwaith Cymdeithasol yng Nghymru (2023). 

Pa mor hir mae'r cwrs yn cymryd i'w gwblhau?

• 3 diwrnod llawn, wyneb-yn-wyneb (lleoliad i'w drefnu)
• Sesiynau cefnogaeth ychwanegol ar-lein

Bydd Carfan 1 yn cael ei chynnal wyneb yn wyneb ar y dyddiadau canlynol:

• 13 Tachwedd 2026
• 10 Rhagfyr 2026
• 21 Ionawr 2027
• 25 Chwefror 2027

Bydd Carfan 2 yn cael ei chynnal wyneb yn wyneb ar y dyddiadau canlynol:

• 15 Ionawr 2027
• 4 Chwefror 2027
• 18 Chwefror 2027
• 4 Mawrth 2027

Bydd sesiynau galw heibio ar-lein dewisol yn cael eu cynnal ar y dyddiadau canlynol:

• 8 Ebrill 2027
• 20 Ebrill 2027
• 13 Mai 2027

Rhaid i ymgeiswyr sy'n ymuno â'r modiwl hwn fod yn weithwyr cymdeithasol cymwysedig a chofrestredig.

Rhaid i'r cyflogwr gefnogi'r enwebiad.

Rhaid i gyflogwyr gadarnhau y bydd ymgeiswyr enwebedig yn gallu mynychu'r diwrnodau hyfforddi, sydd yn 3 diwrnod llawn, wyneb-yn-wyneb, yn ogystal â sesiynau cefnogaeth ychwanegol ar-lein.

Bydd cyflogwyr hefyd yn sicrhau y neilltuir myfyriwr gwaith cymdeithasol i ymgeiswyr i ddarparu lleoliad o 80 diwrnod o leiaf ar eich cyfer. 

I gael lle ar y cwrs yma mae’n ofynnol i gyflogwyr (awdurdodau lleol fel arfer) enwebu a chymeradwyo aelodau addas o’r gweithlu ar gyfer y cwrs.  Nid yw’n bosib i unigolion wneud cais yn uniongyrchol i Brifysgol Bangor am le ar y cwrs / modiwl hwn.

Am ragor o wybodaeth cysylltwch â Gwenan Prysor, Cyfarwyddwr y Cwrs: g.prysor@bangor.ac.uk