³ÉÈËVRÊÓƵ

Mae'r radd MA Troseddeg a'r Gyfraith, a gynhelir ar y cyd ag Ysgol y Gyfraith Bangor, yn adeiladu ar sgiliau a gwybodaeth droseddegol a chyfreithiol er mwyn darparu hyfforddiant arbenigol mewn ymchwil ym meysydd troseddeg, cyfiawnder troseddol a'r gyfraith. Mae'r rhaglen yn galluogi myfyrwyr i ddatblygu gwedd ryngwladol ar drosedd, cyfiawnder a’r gyfraith trwy ddulliau cenedlaethol a thrawswladol ac astudiaethau achos ar gymdeithasau eraill a/neu faterion blaenllaw ym maes troseddeg a chyfraith gyfoes.

Modiwlau ar gyfer y flwyddyn academaidd gyfredol

Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modiwlau Troseddeg a’r Gyfraith MA.

Mae cynnwys y cwrs wedi’i nodi i’ch arwain yn unig ac fe all newid.

Gradd gyntaf (gydag o leiaf ddosbarth 2.ii da) mewn Troseddeg, Y Gyfraith neu bwnc tebyg.

Gellir hefyd dderbyn myfyrwyr sydd â phrofiad proffesiynol perthnasol ym meysydd Troseddeg neu'r Gyfraith. Bydd yn rhaid i bob ymgeisydd yn y categori hwn ddarparu tystiolaeth gadarn yn eu cais a gellir eu cyfweld cyn gwneud cynnig iddynt.

Fel rheol, mae’n ofynnol i fyfyrwyr rhyngwladol gyflwyno tystiolaeth o fedrusrwydd yn y Saesneg.