����VR��Ƶ

Gyda hi ar yr ymweliad, a ddigwyddodd ar ddydd Llun, 23 Chwefror, roedd Jack Sargeant AS, Gweinidog Diwylliant, Sgiliau a Phartneriaeth Gymdeithasol Roedd yn gyfle i drafod y nifer gynyddol o fentrau economaidd sy'n datblygu ledled Gogledd Cymru a sut y gall y Brifysgol chwarae rhan flaenllaw wrth eu cefnogi.

Yn ystod y blynyddoedd diwethaf, mae'r rhanbarth wedi gweld momentwm cynyddol o amgylch cynlluniau mawr a gefnogir gan y llywodraeth, gan gynnwys Porthladd Rhydd Caergybi a Pharth Twf Deallusrwydd Artiffisial Gogledd Cymru. Ynghyd â chyhoeddiadau am yr adweithyddion niwclear modiwlar bychain newydd (y cyntaf o'u math), maent yn gyfle sylweddol i economi Gogledd Cymru. Nod y cyfleoedd hyn yw ysgogi datblygiad economaidd hirdymor drwy greu swyddi, buddsoddiad preifat a gwelliannau mewn cynhyrchiant rhanbarthol.

Yn ystod y cyfarfod, amlinellodd cydweithwyr y weledigaeth a'r arweinyddiaeth y mae'r Brifysgol yn cynnig ar draws y cyfleoedd hyn a sut maen nhw'n cyd-fynd â'n huchelgeisiau ehangach ar gyfer ymchwil, arloesedd a sgiliau. Gan ganolbwyntio ar y cyfle niwclear, cyflwynodd tîm y Brifysgol weledigaeth a allai osod Prifysgol Bangor a Gogledd Cymru fel canolbwynt byd-eang ar gyfer sgiliau, rheoleiddio ac agenda ymchwil ar gyfer ynni niwclear am genhedlaeth. Mae hyn yn cynnwys cryfhau partneriaethau â diwydiant, cefnogi isadeiledd arloesi lleol, a sicrhau bod datblygiadau mewn meysydd fel ynni glân, technolegau digidol a gweithgynhyrchu uwch yn darparu manteision i fyfyrwyr, staff a'r gymuned ehangach.

Wrth adfyfyrio ar yr ymweliad, dywedodd yr Athro Paul Spencer, Dirprwy Is-Ganghellor – Ymchwil ac Arloesi, “Mae’r mentrau hyn yn helpu i osod Gogledd Cymru fel rhanbarth sydd â photensial gwirioneddol mewn sectorau allweddol y dyfodol. Mae ymgysylltu â nhw yn ein galluogi i ddangos gwerth ein hymchwil a'n harbenigedd gan sicrhau bod datblygiadau ar lawr gwlad yn trosi'n fudd academaidd ac economaidd ystyrlon. Bydd y Brifysgol yn parhau i weithio'n agos gyda'r llywodraethau, diwydiant a phartneriaid rhanbarthol i gefnogi'r rhaglenni hyn wrth iddynt symud yn eu blaenau.”