Darganfyddwch gwrs yn Y Gyfraith i chi
Cyfiawnder ar Waith: Dysgu, arwain a newid bywydau gyda'n gilydd
Trawsgrifiad fideo: Astudio'r Gyfraith ym Mhrifysgol Bangor
[DISGRIFIAD GWELEDOL] Myfyriwr yn eistedd wrth fwrdd yng Nghaffi Cegin yn dal beiro gyda phapur ar y bwrdd yn chwerthin ac yn sgwrsio â darlithydd a myfyriwr arall. Dau fyfyriwr yn eistedd yn Llyfrgell Shankland yn sgwrsio ac yn gwenu ar ei gilydd gyda llyfrau a gliniaduron ar y ddesg tra bod myfyriwr arall yn brysur yn ysgrifennu ar ddesg yn y cefndir.
[TROSLAIS] ‘da ni’n gymuned sy’n llywio cyfiawnder hefo’n gilydd.
[DISGRIFIAD GWELEDOL] Darlithydd yn siarad â'r camera yn eistedd o flaen cefndir coch. Yn y gornel chwith isaf mae testun yn ymddangos yn darllen Dr Hayley Roberts, Darllenydd mewn Cyfraith Gyhoeddus Ryngwladol.
[TROSLAIS] Ein maint ydi un o’n cryfderau. Felly mi gewch chi’r profiad prifysgol mawr ond mewn lleoliad sy’n teimlo’n gefnogol.
[DISGRIFIAD GWELEDOL] Mae'r camera'n symud ar draws Ystafell y Ffug Llus o'r gynulleidfa gyda myfyrwyr yn eistedd yn gwylio dau fyfyriwr arall yn ymarfer ar gyfer dadl yn y llys.
[TROSLAIS] Mae gennym ni gymaint o gyfleoedd anhygoel fel ffug lys, clinig y gyfraith ac opsiynau i astudio dramor.
[DISGRIFIAD GWELEDOL] Myfyriwr yn siarad â chamera o flaen cefndir coch mae testun yn ymddangos yn y gornel chwith isaf yn darllen Holly Jones, Myfyriwr Israddedig LLB y Gyfraith.
[TROSLAIS] Mae’r gymuned yma ym Mangor yn wych - tu fewn a thu allan i’r Gymdeithas Gyfreithiol.
[TROSLAIS] Mae Cymdeithas y Gyfraith yn cynnig digwyddiadau cyffrous yn aml ac mae’r sîn chwaraeon yma’n wych hefyd.
[DISGRIFIAD GWELEDOL] Tudalennau mewn llyfryn yn cael ei droi ar y bwrdd. Myfyrwyr yn sefyll yn gwenu gyda llyfrau yn y cefndir gyda myfyrwyr arall yn eistedd ar y bwrdd yn darllen.
[TROSLAIS] Mae’r cysylltiad rhwng y myfyrwyr a’r athrawon yn wych yma ac mae’r gefnogaeth maent yn eu gynnig yn wych hefyd.
[TROSLAIS] Mae’r grwpiau tiwtorialau Cymraeg yn dda iawn ar gyfer dal i fyny hefo myfyrwyr Cymraeg arall ac hefyd i ddefnyddio’r iaith wrth astudio.
[DISGRIFIAD GWELEDOL] Darlithwyr yn siarad â'r camera yn eistedd o flaen cefndir coch. Yn y gornel gwaelod ar yr ochor chwith mae testun yn ymddangos sy'n darllen Lois Nash, Darlithwyr yn y Gyfraith.
[TROSLAIS] Ym Mangor, mi gewch chi gyfle i roi’r pethau ‘da ‘chi’n dysgu yn y dosbarth ar waith.
[TROSLAIS] Mae Clinig Cyngor Cyfreithiol Prifysgol Bangor yn unigryw oherwydd ei leoliad gwych.
[DISGRIFIAD GWELEDOL] Dau fyfyriwr yn cerdded trwy Stryd Fawr Bangor gydag amryw o siopau a chaffis yn y cefndir.
[TROSLAIS] Wedi’i lleoli yng nghanol Stryd Fawr Bangor, mae ein myfyrwyr yn gweld amryw o gleientiaid ac achosion wahanol.
[DISGRIFIAD GWELEDOL] Mae'r ddau fyfyriwr yn cerdded mewn i'r Clinig Cyfreithiol.
[TROSLAIS] Mae bod yn rhan o glinig y gyfraith wedi bod yn brofiad anhygoel.
[DISGRIFIAD GWELEDOL] Myfyrwyr yn eistedd yn siarad â'r camera gyda chefndir coch. Yn waelod y sgrin ar y cornel chwith mae testun yn ymddangos sy'n darllen Ruth Roberts, myfyrwyr israddedig LLB Y Gyfraith.
[TROSLAIS] Dwi wedi gwella fy sgiliau drwy weithio hefo cleientiaid sy’n aml o dan straen.
[DISGRIFIAD GWELEDOL] Myfyrwyr Ruth Roberts yn siarad â'r camera o flaen cefndir coch.
[TROSLAIS] Mae rhai o’r sgiliau dwi wedi dysgu, fyswn i byth wedi eu dysgu yn y dosbarth yn unig.
[DISGRIFIAD GWELEDOL] Darlithwyr Hayley Roberts yn siarad â'r camera o flaen cefndir coch. Myfyrwyr a darlithwyr yn y clinig cyfreithiol yn gwneud nodiadau ar gyfrifiaduron.
[TROSLAIS] Mae ein darlithwyr yn arbenigwyr yn eu meysydd, felly ‘da chi’n gwybod fe gewch chi eich dysgu gan unigolion lle mae'u hymchwil yn llywio polisi'r llywodraeth, ac yn cael effaith go iawn ar bobl cyffredin, ac yn gwneud gwahaniaeth ledled y byd.
[DISGRIFIAD GWELEDOL] Myfyrwyr yn siarad â'r camera gyda chefndir coch. Yn waelod y sgrin ar y cornel chwith mae testun yn ymddangos sy'n darllen Owain Evans, Myfyrwyr israddedig LLB Y Gyfraith.
[TROSLAIS] Diolch i'w dysgu nhw a'u cysylltiadau efo'r diwydiant, dwi wedi cael cip gwirioneddol ar fyd y gyfraith - ac wedi cael sawl cyfle gwych o ganlyniad.
[DISGRIFIAD GWELEDOL] Myfyrwyr Holly Jones yn siarad â'r camera tu blaen i gefndir coch.
[TROSLAIS] O holi cwestiynau mewn Cystadleuaeth Cyfweld Cleientiaid i fod yn hawliwr mewn Tribiwnlys Cyflogaeth Ffug.
[DISGRIFIAD GWELEDOL] Dau fyfyriwr yn ymarfer yn y ffug llus. Mae'r camera yn symud o'r dde i'r chwith gydag un myfyriwr yn edrych ar y camera yn dal ffolderi yn gwisgo gwisg gyfreithiol. Darlithwyr Hayley Roberts yn siarad â'r camera o flaen cefndir coch.
[TROSLAIS] Mae astudio’r gyfraith ym Mangor yn agor drysau i gymaint o opsiynau gyrfa.
[DISGRIFIAD GWELEDOL] Fideo stoc o swyddfa fawr yn y ddinas. Llyfrau cyfreithiol ar y bwrdd.
[TROSLAIS] O gyfreithwyr lleol, i gwmnïau dinas a siambrau bargyfreithwyr, i rolau cyfiawnder cymdeithasol.
[DISGRIFIAD GWELEDOL] Cyflogwyr mewn ffair yrfa gyda baneri yn y cefndir tra bod myfyrwyr yn siarad gyda'r cyflogwyr.
[TROSLAIS] Mae ein cysylltiadau cryf yn rhoi mynediad i chi i interniaethau, lleoliadau, siaradwyr gwadd a ffair gyrfaoedd fywiog.
[DISGRIFIAD GWELEDOL] Darlithwyr Lois Nash yn siarad â'r camera o flaen cefndir coch. Olygfa o Brif Adeilad y Brifysgol. Fflag Cymru yn hedfan yn y gwynt.
[TROSLAIS] Mae gennym ni gysylltiadau cryf gyda chwmnïau yn yr ardal hefyd a’r opsiwn i astudio trwy gyfrwng y Gymraeg .
[TROSLAIS] Mae hyn yn fantais enfawr i fyfyrwyr sy’n dymuno dilyn eu gyrfa yn lleol.
[DISGRIFIAD GWELEDOL] Myfyrwyr Ruth Roberts yn siarad â'r camera o flaen cefndir coch.
[TROSLAIS] Fel rhan o fy ngradd, dwi wedi bod ar leoliad gwaith mewn sefydliad 'not for profit'.
[TROSLAIS] Mae wedi rhoi cysylltiadau gwerthfawr i mi o fewn y gymuned leol.
[DISGRIFIAD GWELEDOL] Darlithwyr Lois Nash yn siarad â'r camera o flaen cefndir coch.
[TROSLAIS] Ym Mangor, nid addysgu’r gyfraith yn unig yda ni -'da ni’n creu cyfleoedd, yn adeiladu'r dyfodol ac yn siapio arweinwyr cyfreithiol yfory.
[DISGRIFIAD GWELEDOL] Darlithwyr Hayley Roberts yn siarad â'r camera o flaen cefndir coch.
[TROSLAIS] Cyfiawnder ar Waith: Dysgu, Arwain a Newid Bywydau, Gyda'n Gilydd.
Trawsgrifiad fideo: Clinig Cyngor Cyfreithiol Prifysgol Bangor
[DISGRIFIAD GWELEDOL] Dau fyfyriwr yn cerdded yn stryd fawr Bangor gydag amryw o gaffis a siopau yn y cefndir. Mae'r ddau fyfyriwr yn cerdded mewn i'r Clinig Cyfreithiol.
[TROSLAIS] Doedden ni ddim am i’r clinig fod ar ein campws roedden ni eisiau fo yng nghanol y gymuned leol ar stryd fawr Bangor.
[DISGRIFIAD GWELEDOL] Mae'r daflen Clinig Cyngor Cyfreithiol yn cael ei dal i fyny i'r camera gyda'r testun Clinig Cyngor Cyfreithiol Prifysgol Bangor, Clinig Cyngor Cyfreithiol Am Ddim a ddarperir gan fyfyrwyr y Gyfraith ym Mangor. Myfyriwr yn croesawu cleient i'r clinig cyfreithiol.
[TROSLAIS] Hyn sy’n gwneud i ni sefyll allan i gymharu â phrifysgolion eraill.
[DISGRIFIAD GWELEDOL] Darlithwyr yn siarad â'r camera. Yn waelod y sgrin ar yr ochor chwith mae testun yn ymddangos sy'n darllen Lois Nash, Darlithwyr yn y Gyfraith.
[TROSLAIS] Mae Clinig Cyngor Cyfreithiol Prifysgol Bangor yn galluogi ein myfyrwyr i roi cyngor cyfreithiol am ddim i aelodau o’r gymuned leol.
[DISGRIFIAD GWELEDOL] Myfyriwr yn croesawu client i'r clinig cyfreithiol. Dau fyfyriwr yn eistedd o amgylch bwrdd gyda darlithwyr yn siarad gyda'r client yn stafell gyfarfod yn y clinig.
[TROSLAIS] Bydd cleient yn cael ei gyfweld gan ddau fyfyriwr wedi eu goruchwylio gan aelod o staff pob amser.
[DISGRIFIAD GWELEDOL] Darlithwyr Lois Nash yn siarad â'r camera.
[TROSLAIS] Nid oes unrhyw gyngor yn cael ei rhoi ar y diwrnod, ond mae’r myfyrwyr yn mynd i ffwrdd, yn gwneud eu hymchwil, ac yna’n ysgrifennu llythyr manwl i yrru yn ôl i’r cleient o fewn pythefnos.
[DISGRIFIAD GWELEDOL] Client yn siarad gyda'r myfyrwyr o amgylch bwrdd yn y clinig. Darlithwyr Lois Nash yn siarad â'r camera.
[TROSLAIS] Mae’r profiad ymarferol mae’r myfyrwyr yn cael yn y clinig yn eu helpu i ddatblygu sgiliau na fysant yn eu cael y dosbarth yn arferol.
[DISGRIFIAD GWELEDOL] Darlithwyr a dau fyfyriwr yn cymryd nodiadau ar y cyfrifiadur tra bod y client yn siarad yn y cefndir.
[TROSLAIS] Dyna pam fod cyflogwyr wrth eu boddau hefo clinig.
[DISGRIFIAD GWELEDOL] Mae myfyriwr yn siarad â'r camera. Yn y gornel chwith isaf mae testun yn ymddangos yn darllen Eloïse Bordet, Myfyriwr Israddedig LLB yn y Gyfraith.
[TROSLAIS] I chose to take part in clinic because I wanted to gain practical experience.
[DISGRIFIAD GWELEDOL] Dau fyfyriwr yn cymryd nodiadau ar gyfrifiadur yn y clinig gyda darlithwyr hefyd yn cymryd nodiadau yn y cefndir.
[TROSLAIS] I wanted to apply the knowledge I’ve gained throughout my studies.
[DISGRIFIAD GWELEDOL] Mae myfyriwr Eloïse Bordet yn siarad â'r camera.
[TROSLAIS] I think it's a great environment to learn, it's really helpful for us students, but also for our community.
[DISGRIFIAD GWELEDOL] Mae myfyriwr yn siarad â'r camera. Yn y gornel chwith isaf mae testun yn ymddangos yn darllen Tom Jarman, Myfyriwr Israddedig LLB yn y Gyfraith.
[TROSLAIS]I didn't think I’d be able to sit in front of people from the local area and ask them about their problems and interview them.
[DISGRIFIAD GWELEDOL] Client yn siarad gyda'r ddau fyfyriwr yn y clinig. Myfyriwr Tom Jarman yn siarad â'r camera.
[TROSLAIS] That’s really improved through clinic and I think things like note taking, letter writing, which you don’t really get from your law degree, you do a lot of assignments and exams, but nothing really practical and I think it's really helped that side of things.
[DISGRIFIAD GWELEDOL] Myfyriwr Eloïse Bordet yn siarad â'r camera.
[TROSLAIS] As an international student, I was obviously kind of scared before starting but we do get a lot of support from Tracey, our supervising solicitor and from the university as well.
[DISGRIFIAD GWELEDOL] Dau fyfyriwr yn cerdded lawr stryd Bangor gydag amryw o siopau yn y cefndir.
[TROSLAIS] The clinic experience is going to make us more employable.
[DISGRIFIAD GWELEDOL] Client yn siarad gyda'r darlithwyr a dau fyfyriwr yn y clinig cyfreithiol yn cymryd nodiadau ar y cyfrifiadur cyn bod myfyriwr Eloïse Bordet yn siarad â'r camera.
[TROSLAIS] And it's really going to help in the future in any jobs that involve communication and legal research skills and legal writing skills as well.
[DISGRIFIAD GWELEDOL] Darlithwyr Lois Nash yn siarad â'r camera.
[TROSLAIS] Mae ‘na fwlch yn y farchnad ar gyfer cyngor cyfreithiol rhad ac am ddim yng Ngogledd Cymru.
[DISGRIFIAD GWELEDOL] Client yn siarad gyda'r myfyrwyr yn y clinig cyfreithiol.
[TROSLAIS] Yn ogystal, mae sefydliadau fel Cyngor ar Bopeth (Citizens Advice) yn hynod o brysur, felly mae gwir angen clinig cyfreithiol fel hyn ar gyfer y gymuned leol.
[DISGRIFIAD GWELEDOL] Myfyriwr Eloïse Bordet yn siarad â'r camera.
[TROSLAIS] My advice would be to seize the opportunity, don’t be afraid to ask questions.
[DISGRIFIAD GWELEDOL] Dau fyfyriwr a'r darlithwyr yn siarad gyda'r client yn y clinig cyfreithiol yn cymryd nodiadau ar y cyfrifiadur.
[TROSLAIS] The clinic is a great way to gain legal experience while helping the community.
[DISGRIFIAD GWELEDOL] Crest Prifysgol Bangor yn darllen Prifysgol ³ÉÈËVRÊÓƵ.
Clinig Cyngor Cyfreithiol Prifysgol Bangor (BULAC)
Mae Clinig Cyngor Cyfreithiol yn gyfle i chi roi’r hyn rydych wedi’i ddysgu ar waith. Siawns i wneud gwahaniaeth go iawn yn y gymuned mae'r clinig yn rhoi cyfle i fyfyrwyr cynnig cyngor cyfreithiol am ddim i aelodau’r cyhoedd dan oruchwyliaeth cyfreithwyr cymwys.
Trawsgrifiad fideo: Holly Jones - Myfyriwr israddedig LLB Y Gyfraith
[DISGRIFIAD GWELEDOL] Myfyriwr yn siarad â'r camera gyda chefndir golygfaol o goed a phlanhigion yn y cefndir.
[TROSLAIS] Fy enw llawn ydd i Holly Alicia Jones. Dwi yn fy ail flwyddyn rŵan, a dwi'n astudio LLB Y Gyfraith.
[DISGRIFIAD GWELEDOL] Olygfa o brif adeilad y brifysgol cyn bod myfyriwr yn siarad â'r camera.
[TROSLAIS] Wnes i ddewis Prifysgol Bangor am nifer o resymau, ond bysem yn dweud un o'r rhai mwyaf ydi'r ffaith bod 'na gymuned fach, felly mae pawb yn ffrindiau.
[DISGRIFIAD GWELEDOL] Grŵp o fyfyrwyr yn eistedd ar wal yn siarad a chwerthin gyda golygfa o ddinas Bangor yn y cefndir cyn bod myfyriwr yn siarad â'r camera.
[TROSLAIS] Does dim byd rhy fawr, a hefyd achos oni wedi clywed llawer o bethau da, am dan y cwrs dwi wedi dewis.
[DISGRIFIAD GWELEDOL] Mae'r camera yn symud o'r dde i'r chwith yn dangos myfyrwyr yn eistedd mewn darlith cyn bod myfyriwr yn siarad â'r camera.
[TROSLAIS] Swni ddweud y rhan gora o’r cwrs dwi wedi i ddewis ydi r ffaith bod 'na myfyrwyr Cymraeg eraill ac yn diwtorialau ni gyd yn gallu trafod am dân beth da ni ddysgu yn yr Lectures yn y Gymraeg.
[DISGRIFIAD GWELEDOL] Dau fyfyriwr yn ymarfer yn y ffug llys. cyn bod myfyriwr yn siarad â'r camera.
[TROSLAIS] Swni ddweud dwi'n mwynhau cael ffrae gyda phobl a dyna pam wnes i ddewis gyfraith mae'r Lectures o hyd yn gofyn i ni be da ni meddwl o’r gyfraith ac wedyn da ni'n gallu trafod ymysg ein gilydd ac mae hyn yn beth da.
[TROSLAIS] Y ffaith bod ni gyd yn gallu rhoi barn ein hunain mewn i'r cwrs.
[DISGRIFIAD GWELEDOL] Dau fyfyriwr yn ymarfer pêl-droed Americanaidd ar gau ymarfer yn y brifysgol. Yn dilyn mae tri myfyriwr yn dawnsio gyda chefndir lliwgar o wal sydd gyda graffiti Cymraeg a Saesneg.
[TROSLAIS] Y cyngor bysem yn gallu rhoi i fyfyrwyr newydd yn dechrau'r flwyddyn yma ydi ewch i bethau.
[DISGRIFIAD GWELEDOL] Myfyriwr yn siarad â'r camera.
[TROSLAIS] Ewch i Serendipity a ewch i weld y clybiau a'r socieites gennych chi ddiddordeb mewn achos hynna ydi ffordd gora o neud ffrindiau efo pobl sydd efo un diddordeb a chdi.
[TROSLAIS] Paid methu allan ar y cyfleon mae'r prifysgol yn rhoi i chi.
[DISGRIFIAD GWELEDOL] Crest y Brifysgol sy'n darllen Prifysgol ³ÉÈËVRÊÓƵ.
Myfyriwr israddedig LLB Y Gyfraith Holly Jones
"Oni wedi clywed llawer o bethau da am dan y cwrs dwi. Y rhan gora o’r cwrs ydi'r ffaith bod 'na myfyrwyr Cymraeg eraill ac yn y tiwtorialau da ni gyd yn gallu trafod am dân beth da ni ddysgu yn y darlithoedd yn y Gymraeg."
Arholiad Cymhwyso Cyfreithwyr (SQE)
Yr Arholiad Cymhwyso Cyfreithwyr (SQE) yw’r asesiad canolog ar gyfer unrhyw un sydd am gymhwyso fel cyfreithiwr yng Nghymru a Lloegr. Mae’n rhan o lwybr pedwar cam i ddod yn gyfreithiwr.
Mae holl raddau LLB Bangor yn cynnwys paratoad at arholiadau cymhwyso cyfreithwyr. Mae hyn yn golygu bod ein graddau yn cynnwys llwybr sy'n eich galluogi i astudio'r deunydd sydd ei angen arnoch i sefyll arholiad cymhwyso cyfreithwyr (SQE). P’un a ydych yn dewis llwybr SQE ai peidio, mae ein holl raddau LLB yn mynd ymhellach, trwy gyfuno’r elfennau hyn i’ch paratoi at sefyll yr arholiad cymhwyso cyfreithwyr ag astudiaeth feirniadol ac academaidd o’r gyfraith i ddeall rhan y gyfraith mewn cymdeithas a mynd i’r afael â materion cyfreithiol cyfoes. Darperir hyn drwy'r modiwlau craidd a dewisol sydd ar gael ar gyrsiau gradd LLB Bangor.
O fis Medi 2021, yr arholiad cymhwyso cyfreithiwr (SQE) yw’r asesiad newydd y mae’n rhaid i’r rhai sy’n dymuno cymhwyso fel cyfreithiwr lwyddo ynddo. Mae hyn yn disodli'r radd gymhwyso yn y gyfraith a'r cwrs ymarfer cyfreithiol. Mae'r broses o gymhwyso fel bargyfreithiwr yn aros yr un fath.
Mae dwy elfen i'r SQE, sef SQE1 ac SQE2. Rhaid cwblhau SQE1 cyn SQE2.
Mae dwy elfen i SQE1, sef FLK 1 ac FLK2. Mae'r ddwy elfen yn rhoi eich dealltwriaeth o 'wybodaeth gyfreithiol weithredol' ar brawf, trwy 180 o gwestiynau amlddewis wedi eu rhannu'n ddwy sesiwn.
Mae FLK 1 yn profi'r meysydd pwnc isod;
- Cyfraith ac Ymarfer Busnes
- Datrys Anghydfodau
- Contract
- Camwedd
- System Gyfreithiol Cymru a Lloegr.
- Cyfraith Gyfansoddiadol a Gweinyddol a Chyfraith yr UE a Gwasanaethau Cyfreithiol
Mae FLK 2 yn profi'r meysydd pwnc isod;
- Ymarfer Eiddo
- Ewyllysiau a Gweinyddu Ystadau
- Cyfrifon Cyfreithwyr
- Cyfraith Tir
- Ymddiriedolaethau
- Cyfraith ac Ymarfer Troseddol
Mae Moeseg ac Ymddygiad Proffesiynol yn cael eu cynnwys mewn modd 'treiddiol' ar draws FLK 1 ac FLK 2, sy'n golygu y gall godi mewn unrhyw gwestiwn.
Er mwyn llwyddo SQE1, rhaid cael marc llwyddo yn FLK1 a FLK2. Cynhelir yr asesiadau ym mis Ionawr a mis Gorffennaf bob blwyddyn.
Mae SQE2 yn asesiad seiliedig ar sgiliau sy'n cynnwys y sgiliau canlynol.
- Cyfweliad cleient a nodyn presenoldeb/dadansoddiad cyfreithiol
- Eiriolaeth
- Dadansoddiad achos a mater
- Ymchwil gyfreithiol
- Ysgrifennu cyfreithiol
- Drafftio cyfreithiol
Ym mhob un o raddau LLB Bangor, caiff myfyrwyr gyfle i brofi a dysgu'r sgiliau hyn ar draws y modiwlau craidd.
Ein hargymhelliad yw bod myfyrwyr, ar ôl cwblhau LLB Bangor, yn dilyn cwrs paratoi SQE byr, i baratoi at natur benodol arholiadau SQE1 ac SQE2.
I gael rhagor o wybodaeth am yr SQE, ewch i wefan y
Ystafell Ffug lys
Beth yw ffug lys?
Os ydych am astudio'r Gyfraith efallai eich bod wedi clywed am ffug lys, ond a ydych yn gwybod beth yw ffug lys? Ffug lys yw llys barn ffug lle mae dwy ochr yn dadlau pwynt cyfreithiol o flaen rhywun sy’n gweithredu fel barnwr. Bydd y barnwr wedyn yn penderfynu pwy yw'r enillydd unwaith y bydd wedi clywed cyflwyniadau gan y ddwy ochr.
Os ydych yn ystyried bod yn gyfreithiwr neu'n fargyfreithiwr mae sgiliau ffug lys yn rhai pwysig i'w cael. Mae astudio LLB yn y Gyfraith ym Mangor yn rhoi cyfle i chi ymarfer eich sgiliau ffug lys yn ein ffug lys ar y campws.
Mae cymryd rhan mewn ffug lys yn ffordd wych o ennill y sgiliau rydych eu hangen i fod yn gyfreithiwr. Mae'n helpu i ddatblygu sgiliau cyfreithiol, sgiliau dadansoddi a sgiliau dehongli. Bydd ymarfer mewn ffug lys yn eich helpu i ddod yn fwy hyderus ac adeiladu eich sgiliau personol o siarad cyhoeddus. Mae ymryson yn galluogi myfyrwyr i;
- archwilio, dadlau a beirniadu meysydd a dadleuon cymhleth yn y gyfraith
- gwella eu sgiliau eiriolaeth, ymchwil cyfreithiol ac ysgrifennu
- gweithio’n agos gyda chyfoedion • ymarfer ymgysylltu â'r fainc a dod yn fwy hyderus wrth ddadlau eu hachos.
Unrhyw gwestiynau? Sgwrsiwch gyda myfyrwyr a staff
A oes gennych unrhyw gwestiynnau am fywyd myfyriwr ym Mangor? Mae ein llysgenhadon yn barod i’ch helpu gael yr ateb.
Gall ein myfyrwyr ddweud mwy wrthoch am y profiad o astudio yma, am y Clybiau a Chymdeithasau gwych sydd yma, a sut bu iddynt hwy wneud ffrindiau ac ymgartrefu yn y Brifysgol fel myfyriwr Gyfraith .
Os oes gennych unrhyw gwestiynau am y cwrs, mae ein darlithwyr wrth law i helpu. Dyma rai cwestiynau a ofynnir yn aml. Oes gennych chi unrhyw gwestiwn arall i'n darlithwyr?
- Pa rinweddau sydd gan fyfyrwyr Gyfraith llwyddiannus ym Mangor?
- Beth allai wneud i baratoi at astudioGyfraith ym Mangor?
- Sut ydw i yn gwybod mai Gyfraith ym Mangor yw’r dewis iawn i mi?
Adam Gulliver
Ni ellir gorbwysleisio’r dylanwad a gafodd Bangor ar fy ngyrfa a fy mywyd. Roedd y ffordd y cyflwynwyd yr addysgu ym Mangor, ynghyd â'r gefnogaeth academaidd a bugeiliol ragorol a gefais, wedi caniatáu i mi ffynnu yn academaidd, ac arwain at ennill gradd Dosbarth Cyntaf. Rwy'n priodoli'r llwyddiant mawr hwnnw i raddau helaeth, nid yn unig i'm gwaith, ond hefyd i ymrwymiad ac ymroddiad y darlithwyr ac ansawdd cyffredinol Ysgol y Gyfraith ei hun.
Beth yw gradd LLB?
Mae'n debyg mai gradd LLB yw'r math mwyaf cyffredin o radd israddedig yn y gyfraith. Mae'n cael ei hastudio gan israddedigion sy'n dymuno ymarfer yn y gyfraith yn ogystal â'r myfyrwyr hynny sy'n mynd i mewn i broffesiynau eraill nad ydynt yn ymwneud â'r gyfraith yn y pen draw. Mae graddau LLB yn cael eu hystyried yn raddau trwyadl sy'n hyfforddi graddedigion at amryw o gyfleoedd o ran gyrfa.
Mae'r LLB yn radd gymhwysol dros dair blynedd yn y gyfraith sy'n eich arwain at y cam nesaf o hyfforddiant yn y proffesiwn cyfreithiol. Cewch ddilyn llwybr Arholiad Cymhwysol Cyfreithwyr (SQE) ar gyfer cyfreithwyr neu'r BPTC ar gyfer bargyfreithwyr.
Bydd rhaglen LLB yn edrych ar wahanol feysydd o’r Gyfraith, gan gynnwys Cyfraith Gyhoeddus, Cyfraith Contractau, Cyfraith Droseddol, Cyfraith Camwedd, Cyfraith Tir a’r Deyrnas Unedig, Cyfraith Undeb Ewrop a Brexit. Fel rhan o'ch gradd LLB cewch ddewis modiwlau dewisol mewn meysydd y mae gennych ddiddordeb ynddynt ac y gallech fod am eu dilyn yn y dyfodol. Ym Mangor mae gan ein hacademyddion amrywiaeth o ddiddordebau o fewn y Gyfraith sy'n cynnwys pynciau megis Cyfraith Teulu a Lles, Cyfraith Chwaraeon, Cyfraith y Cyfryngau, Cyfraith Eiddo Deallusol, Cyfraith Fasnachol, Cyfraith a Thechnoleg, Cyfraith Amgylcheddol a Bywyd Gwyllt Mewn Perygl a Chyfraith Ryngwladol.
Mae hyn yn golygu bod ein graddau’n cynnwys llwybr sy'n eich galluogi i astudio'r deunydd sydd ei angen arnoch i sefyll Arholiad Cymhwysol Cyfreithwyr (‘SQE’).
Yn ogystal â chynnig sylfaen gadarn yn y gyfraith, mae graddau LLB Bangor hefyd yn adlewyrchu amgylchedd cyfreithiol yr 21ain ganrif trwy ganolbwyntio ar ddatblygu’r sgiliau cyfreithiol sydd eu hangen yn y Deyrnas Unedig, yn Ewrop ac yng ngweddill y byd.
Yn Arolwg Cenedlaethol y Myfyrwyr (2022), cafodd Ysgol y Gyfraith ym Mangor sgôr boddhad myfyrwyr ardderchog o 84% yn y Gyfraith, sy’n adlewyrchu’r gefnogaeth ardderchog a roddir i fyfyrwyr ym Mangor ynghyd â’r dosbarthiadau llai o faint o’u cymharu ag ysgolion y gyfraith mwy ym Mhrydain.
Os hoffech astudio pwnc arall yn ychwanegol at y Gyfraith, ond eich bod hefyd am sicrhau eich bod yn astudio Gradd Gymhwysol yn y Gyfraith, dylech ystyried un o’n cyrsiau gradd 'Y Gyfraith gyda phwnc arall'.
Gweithio gyda'r gymuned
Mae gan Brifysgol Bangor draddodiad hir o weithio gyda'r gymuned, a chredwn yn gryf yn y cysylltiad arbennig rhwng y sefydliad a'r ardal yr ydym wedi'n lleoli ynddi. Dyma rai enghreifftiau o brojectau yn ymwneud â Hanes, y Gyfraith a Gwyddorau Cymdeithas:
Ein projectau diweddar
Gweld Mwy-
23 Gorffennaf 2026Britain’s quarter century: Blair, populism and the battle over human rights
-
9 Mehefin 2026Digwyddiad gyrfaoedd yng Ngogledd Cymru yn anelu at fynd i'r afael â heriau recriwtio yn y sector cyfreithiol
-
9 Mehefin 2026Hwb ariannol yn cryfhau ymchwil plismona sy'n seiliedig ar dystiolaeth ym Mhrifysgol BangorÂ
-
28 Mai 2026The Enhanced Games set out to ‘transform sport’ but the results looked surprisingly ordinary
Ein Hymchwil o fewn Y Gyfraith
Mae ein darlithwyr yn ymchwil-gynhyrchiol. Mae sawl aelod staff wedi gweithio'n flaenorol fel gweithwyr proffesiynol ym maes y gyfraith mewn swyddi fel barnwyr, cyfreithwyr ac ynadon. Mae hyn yn golygu bod eich holl ddarlithwyr yn meddu ar wybodaeth arloesol yn eu meysydd pwnc. Pam fod hyn yn bwysig? Mae'n ein galluogi i fywiogi dysgu a rhoi'r syniadau diweddaraf i chi yn y dosbarth.
Ynghyd â'r cyfuniad cyfoethog hwn o gefndiroedd, mae ymchwil aelodau staff yn adlewyrchu diddordebau ac arbenigedd amrywiol mewn meysydd fel Cyfraith Hawliau Dynol, Cyfraith Ryngwladol, Cyfraith Cyllid Corfforaethol, Cyfraith Forwrol, Cyfraith Fasnachol, Cyfraith Droseddol, Cyfraith Cwmnïau, Cyfraith Weinyddol, Cyfraith Plant a Theuluoedd a Chyfraith Eiddo Deallusol.
Efallai y bydd gennych ddiddordeb yn y meysydd pwnc yma hefyd.
Efallai y bydd gennych ddiddordeb yn y meysydd pwnc yma hefyd.
