³ÉÈËVRÊÓƵ

Cod modiwl: (ILA-4007)
Mae hwn yn gwrs byr rhan-amser, lefel 7 ol-raddiedig a gyflwynir ym Mangor.

I bwy mae’r cwrs hwn yn addas? 

Bydd y modiwl o ddiddordeb penodol i unigolion a sefydliadau sy’n ymroddedig i wella gofal iechyd a chanlyniadau cymunedol, gan gynnwys staff yn y sector iechyd a gofal cymdeithasol a’r sector dai 
e.e.

• Gweithwyr Gofal Iechyd Proffesiynol: meddygon, nyrsys, ymarferwyr meddygol, a staff cymorth.
• Gweithwyr Cymdeithasol: Y sawl sy'n gweithio ym maes gofal cymdeithasol a gwasanaethau cymunedol.
• Gweithwyr Tai Proffesiynol: Unigolion sy'n ymwneud â chymdeithasau tai a pholisïau.
• Darpar Arweinwyr: Unigolion sy'n anelu at rolau arweinyddol o fewn eu sectorau priodol

Pam astudio’r cwrs?

•  Dadansoddi ac ymwneud yn feirniadol â dadleuon ynghylch egwyddorion, arferion, polisïau a deddfu dros degwch iechyd a lles ar gyfer cenedlaethau'r dyfodol.
• Gwerthfawrogi sut y gall ffactorau cymdeithasol, economaidd ac iechyd wahaniaethu yn erbyn grwpiau â nodweddion gwarchodedig, a gwerthuso’n feirniadol yr ymyriadau sy’n lliniaru gwahaniaethu o’r fath.
• Mewn modd beirniadol, deall cysyniadau tegwch a gwerthuso dulliau cynhwysol o hybu iechyd gyda pharch at hawliau dynol.
• Cynllunio a gweithredu dulliau cynhwysol, teg a chynaliadwy o hybu iechyd a lles.

Pa mor hir mae'n ei gymryd i gwblhau'r cwrs? 

Cyflwynir y cwrs hwn yn rhan-amser dros 5 mis, fel arfer yn ystod ail semester y flwyddyn academaidd (dechrau ym mis Ionawr).

Bydd 6 darlithy 2.5 rhwng Ionawr a Ebrill.

Bydd gofyn i ddysgwyr ymrwymo 100 awr i’r Cwrs Byr hwn, trwy gyfuniad o ddarlithoedd ar-lein, gweithdai ar-lein ac astudio hunan-gyfeiriedig
 

Tiwtor

Tracey O'Neill

Mae gan Tracey O'Neill gefndir mewn atal ac ymchwil iechyd y cyhoedd a ddechreuwyd gan ei MSc mewn Iechyd Cyhoeddus a Hybu Iechyd ym Mhrifysgol Bangor yn 2006. Mae diddordebau ymchwil Tracey ym maes anghydraddoldebau iechyd a phenderfynyddion cymdeithasol iechyd, ac mae Tracey yn Gymrawd Cymdeithas Frenhinol Iechyd y Cyhoedd. Ar ôl sawl blwyddyn o weithio fel ymchwilydd ar lawer o wahanol brojectau iechyd y cyhoedd yn y Deyrnas Unedig ac Awstralia, dechreuodd Tracey weithio fel darlithydd ar ôl cwblhau ei Thystysgrif Addysg Uwch i Raddedigion (PGCertHE) yn 2013. Daeth yn Gymrawd yr Awdurdod Addysg Uwch yn 2015.

Beth fyddwch chi’n ei astudio ar y cwrs yma?

Mae'r modiwl ôl-raddedig 10 credyd annibynnol hwn ar lefel 7 yn cael ei gyflwyno trwy gyfuniad o ddarlithoedd a gweithdai.

Yn y gweithdai cewch eich cyflwyno i brif gysyniadau damcaniaethol tegwch iechyd a hawliau dynol, a rhoddir cyfle i chi archwilio’r pynciau hyn drwy ystyried astudiaethau achos o’r byd go iawn.

Bydd cyfres o ddarlithoedd hefyd yn darparu dealltwriaeth o hawliau dynol a'r sgiliau sydd eu hangen i feithrin tegwch iechyd. At hyn, cewch arweiniad penodol yn y darlithoedd hyn ar sut i gymhwyso'r sgiliau hyn mewn lleoliad iechyd. Bydd rhestr ddarllen i bob darlith ar gael trwy lyfrgell y Brifysgol.

Bydd asesiadau yn eich galluogi i ddangos tystiolaeth o'ch gwybodaeth a’ch dealltwriaeth.
 

Pam astudio’r cwrs?

Deilliannau dysgu

• Dadansoddi ac ymwneud yn feirniadol â dadleuon ynghylch egwyddorion, arferion, polisïau a deddfu dros degwch iechyd a lles ar gyfer cenedlaethau'r dyfodol.
• Gwerthfawrogi sut y gall ffactorau cymdeithasol, economaidd ac iechyd wahaniaethu yn erbyn grwpiau â nodweddion gwarchodedig, a gwerthuso’n feirniadol yr ymyriadau sy’n lliniaru gwahaniaethu o’r fath.
• Mewn modd beirniadol, deall cysyniadau tegwch a gwerthuso dulliau cynhwysol o hybu iechyd gyda pharch at hawliau dynol.
• Cynllunio a gweithredu dulliau cynhwysol, teg a chynaliadwy o hybu iechyd a lles.

Y gost ar gyfer blwyddyn academaidd 2026/27 yw £584

Ewch i dudalen Ffioedd a Chyllid Ôl-raddedig er mwyn cael gwybodaeth bellach.

Dylai darpar ymgeiswyr feddu ar radd israddedig mewn pwnc perthnasol (o 2(ii) neu uwch), yn ogystal â datganiad personol cryf a thystlythyr(au) (academaidd a/neu gysylltiedig â gwaith).

Os nad ydych yn bodloni’r gofynion academaidd a nodir uchod ond bod gennych o leiaf 3 blynedd o brofiad gwaith perthnasol a bod gennych dystiolaeth o astudiaeth ddiweddar neu ddatblygiad proffesiynol (i ddangos gallu i astudio ar lefel 7) efallai y byddwn yn ystyried eich cais. Cysylltwch gyda ni i drafod ymhellach. 
 

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.