����VR��Ƶ

"Mae blwyddyn academaidd arall yn dod i ben, gyda thraethodau hir a gwaith cwrs terfynol yn cael eu cyflwyno ac arholiadau'n cael eu cynnal ar draws y campws. 

Mae myfyrwyr yn edrych ymlaen at gynnal eu Dawns Haf ym Mhrif Adeilad y Brifysgol y penwythnos hwn. Mae'r digwyddiad bellach yn barti dydd a nos estynedig gyda thri llwyfan o gerddoriaeth fyw, ffair, casino a gwerthwyr bwyd stryd. Tybed pa mor wahanol yw hyn i'ch dyddiau olaf fel myfyriwr… Byddem wrth ein bodd yn clywed eich straeon. I’w rhannu e-bostiwch alumni@bangor.ac.uk

Mae Cronfa Bangor wedi galluogi myfyrwyr fferylliaeth sy'n perfformio'n dda yn gynnar yn eu cwrs yn Ysgol Feddygol Gogledd Cymru i gymryd rhan mewn profiad datblygu academaidd a phroffesiynol sy’n cael ei gydnabod yn genedlaethol. Mae hyn yn fodd o wobrwyo rhagoriaeth a meithrin hyder yn gynnar yn eu hastudiaethau. Mae Cronfa Bangor yn dibynnu ar roddion gan gyn-fyfyrwyr, a chaiff ei gweinyddu gan y Swyddfa Datblygu a Chysylltiadau Alumni. 

Cafodd chwech o fyfyrwyr, tri o'r Flwyddyn Sylfaen a thri o Flwyddyn 1, eu dewis i gymryd rhan mewn ymweliad academaidd a diwylliannol i Lundain dros gyfnod o ddau ddiwrnod. 

Darganfod mwy

Llongyfarchiadau i Jane Griffin sy’n aelod o Fwrdd Ymgynghorol Cyn-fyfyrwyr Prifysgol Bangor, (ac a raddiodd mewn Ffrangeg ym 1993), am gael ei chydnabod yn un o'r 50 ymgynghorydd cysylltiadau cyhoeddus annibynnol gorau yn y Deyrnas Unedig am yr ail flwyddyn yn ôl yn yr .

Yn dilyn gyrfa o ddeng mlynedd ar hugain mewn newyddiaduraeth, cyfathrebu corfforaethol, cysylltiadau cyhoeddus busnes-i-fusnes a chyfathrebu mewn achosion o argyfwng, sefydlodd Jane ei chwmni Positive Story PR Consultancy ym mis Chwefror 2021. 

Oeddech chi'n gwybod bod Prifysgol Bangor yn cynnig gostyngiadau i gyn-fyfyrwyr ddilyn astudiaethau pellach?

Gall cyn-fyfyrwyr o’r Deyrnas Unedig sydd wedi graddio o raglen israddedig ym Mhrifysgol Bangor dderbyn gostyngiad o 20% ar un o'n graddau Meistr hyfforddedig cymwys os ydynt yn talu eu ffioedd eu hunain.

Gall cyn-fyfyrwyr rhyngwladol fanteisio ar ostyngiad ffioedd dysgu o £1,000 ar gyfer unrhyw raglen radd hefyd, a gynigir yn ogystal i’w teulu agos (priod/brodyr a chwiorydd/plant/wyrion ac wyresau).

Cliciwch ar y dolenni uchod am fwy o fanylion. Byddem wrth ein bodd yn eich gweld yn parhau â'ch taith gyda ni!

Mae pedwar project ymchwil amgylcheddol arloesol ar y gweill ar hyn o bryd ac yn llunio dyfodol ein planed. Mae pob un yn gam ymlaen yn y gwaith o ddatblygu gwybodaeth wyddonol wrth arfogi ein myfyrwyr a'n hymchwilwyr â'r sgiliau a'r profiadau sydd eu hangen arnynt i ddod yn arweinwyr yng ngwyddorau’r amgylchedd. Mae'r daith o leoliadau israddedig i ymchwil arloesol yn dangos effaith haelioni rhoddwyr wrth feithrin doniau a sbarduno arloesedd.

Bu’r cynnydd hwn yn bosibl diolch i waddol rhyfeddol ein cyn-fyfyriwr, Dr Robert Perrin (Soil Science, 1948), y mae ei angerdd dros ddeall a diogelu'r byd naturiol yn parhau trwy ei rodd i ymchwil amgylcheddol. Mae ei ymrwymiad yn parhau i ysbrydoli a grymuso ein hymchwilwyr, gan sicrhau bod ei weledigaeth ar gyfer dyfodol cynaliadwy yn parhau.

Darganfod mwy

Mae  wedi cyhoeddi bod tri academydd o Brifysgol Bangor ymhlith y 44 Cymrodyr newydd a etholwyd i'r Gymdeithas, gyda phob un ohonynt yn cynrychioli'r gorau o fywyd academaidd, diwylliannol a dinesig Cymru.  

Llongyfarchiadau i Gymrodyr newydd o’r Brifysgol, Simon Creer, Athro mewn Ecoleg Foleciwlaidd, Judy Hutchings, Athro mewn Seicoleg a Dr Iwan Llewelyn -Jones, Uwch Ddarlithydd a Chyfarwyddwr Perfformio Cerddorol. 

Darganfod mwy

Mae pedair ymchwilydd o Brifysgol Bangor wedi sicrhau eu lle ar Crwsibl Cymru 2026, sef rhaglen sydd wedi ennill gwobrau a gynlluniwyd i feithrin datblygiad personol, proffesiynol ac arweinyddiaeth ymhlith darpar arweinwyr ymchwil yng Nghymru. 

Ydych chi'n 18 oed neu'n hŷn, yn byw yn y Deyrnas Unedig, ac wedi dechrau gweithio, astudio neu hyfforddi ar ôl 2020? Os felly, byddem yn hynod falch o glywed gennych.

Mae ymchwilwyr ym Mhrifysgol Bangor, Prifysgol Fetropolitan Manceinion a Phrifysgol Cumbria yn cynnal astudiaeth a ariennir gan yr Academi Brydeinig sy'n archwilio sut mae oedolion ifanc yn meddwl am waith, gyrfaoedd a deallusrwydd artiffisial mewn cyflogaeth - ac mae eich llais yn bwysig.

Os ydych chi’n ystyried datblygu eich sgiliau proffesiynol, dychwelyd i fyd addysg, archwilio cyfeiriad newydd, neu ddysgu er mwyn y pleser o ddysgu, gall Prifysgol Bangor eich cefnogi gyda dulliau hyblyg o ddysgu - lle bynnag yr ydych ar eich taith.

Mae gwyddonwyr cadwraeth ym Mhrifysgol Bangor a (Cymdeithas Sŵolegol Llundain) wedi cwblhau gwaith ar brosiect uchelgeisiol i ddod â rhywogaethau o wystrys sy’n frodorol i’r DU yn ôl a’u hatal rhag diflannu’n llwyr.

Dyma’r cynllun cyntaf o’r fath yng Ngogledd Cymru. Mae’r tîm dynodedig wedi adfer cynefin wystrys brodorol ym Mae Conwy, gan ddarparu cartref i 2,000 o wystrys cyffredin, a oedd unwaith yn rhan fawr o ddiwydiant pysgota Cymru i gefnogi cymunedau arfordirol. Mae’r gwaith wedi cael ei gefnogi gan weithgor o aelodau o'r gymuned leol.

Darganfod mwy

Mae Awen Oncology, cwmni biotechnoleg deillio o Brifysgol Bangor sydd wedi’i leoli ym M-SParc, wedi sicrhau buddsoddiad sylweddol o saith ffigur i gyflymu datblygiad ei driniaethau canser cenhedlaeth nesaf. Bydd y buddsoddiad yn galluogi’r cwmni i symud ymlaen â cherrig milltir gwyddonol allweddol, gan ddod â’i raglen therapiwtig flaenllaw yn nes at ddatblygiad clinigol, yn ogystal â chefnogi creu swyddi newydd gwerth uchel yng Nghymru.

Sefydlwyd Awen Oncology ar sail ymchwil gydweithredol ym Mhrifysgol Bangor, gyda’r cwmni’n deillio o waith ymchwil a gynhaliwyd yn Sefydliad Ymchwil Canser Gogledd Orllewin y Brifysgol. 

Darganfod mwy

Dros y chwe mis diwethaf mae project Herio Mythau, wedi dod â sefydliadau a chymunedau ar draws y gogledd ynghyd i herio camsyniadau am ddefnyddio’r Gymraeg yn y gwaith.

Mae Prifysgol Bangor ymhlith y sefydliadau cyhoeddus sy’n rhan o’r project hwn, sy’n cael ei arwain gan gan Is-Grŵp Iaith Bwrdd Gwasanaethau Cyhoeddus rhanbarth y gogledd. Dros y misoedd nesa’ bydd adnoddau yn pwysleisio gwerth defnyddio Cymraeg yn y gwaith a’r croeso sydd i sgiliau ar bob lefel yn cael eu rhannu gan sefydliadau wrth recriwtio staff ac wrth gefnogi staff yn eu swyddi.

Darganfod mwy