- Rydym yn gallu gwarantu lle mewn neuadd breswyl i bob myfyriwr newydd yn eu blwyddyn gyntaf sy’n dewis Bangor fel eu Dewis Cadarn ac yn gwneud cais o fewn yr amserlen benodedig.
- I’ch helpu i wneud penderfyniad ynghylch pa neuadd yr hoffech fyw ynddi, dewiswch neuadd breswyl o’r dudalen ‘Dewch o Hyd i’ch Ystafell Berffaith’ am fanylion manwl.
- Mae’r Brifysgol yn cadw’r hawl i newid eich dyraniad ystafell cyn eich cyrhaeddiad, gan gynnwys o fewn yr un neuadd neu i neuadd wahanol os oes angen, er mwyn rheoli’r neuaddau’n effeithlon ac yn ddiogel. Bydd hyn bob amser yn ystafell gyfatebol neu’n well, yn amodol ar argaeledd ar y pryd.
- Darperir yswiriant ystafell myfyrwyr drwy Cover4Insurance. Mae hyn yn cwmpasu eitemau yn eich ystafell rhag lladrad, tân a llifogydd. I wirio beth sy’n cael ei gynnwys, lawrlwythwch eich
- Nid yw gliniaduron, tabledi a ffonau symudol wedi’u cynnwys y tu allan i’ch ystafell; efallai yr hoffech gymryd yswiriant ychwanegol. Mae Cover4Insurance yn cynnig pecynnau ar gyfer hyn, y gallwch eu hadolygu ar: .
- Unwaith y bydd y Myfyriwr wedi derbyn eu cynnig, mae’n rhwymedig yn gontractiol i dalu’r Rhent am y Cyfnod Preswyl cyfan. Nid oes cyfnod ‘oeri’ na hawl i ganslo. Mae’r Myfyriwr yn rhwymedig yn gontractiol pan fydd y Myfyriwr yn derbyn eu Cynnig.
- Mae’n ofynnol i bob myfyriwr gytuno a llofnodi telerau cytundeb preswyl. Gall myfyrwyr dalu eu ffioedd neuadd ymlaen llaw yn llawn, neu drwy ddewis un o’r cynlluniau talu sydd ar gael drwy daliadau cerdyn rheolaidd. Mae myfyrwyr sy’n derbyn bwrsariaeth fisol yn gymwys i dalu drwy gynllun talu â llaw bob mis; gellir gwneud hyn drwy fynd i’r Swyddfa Neuaddau.
Rheolir pob lleoliad yn uniongyrchol gan y Swyddfa Neuaddau. Mae cymorth ar gael yn ystod y dydd gan y Swyddfa Neuaddau, Staff Diogelwch y Brifysgol a Gwasanaethau Myfyrwyr ac Admin, ac y tu allan i oriau ac ar benwythnosau gan y Prif Swyddogion Preswyl a Mentoriaid Myfyrwyr preswyl.
Mae’r Brifysgol hefyd yn cyflogi tîm o Fentoriaid Myfyrwyr i fyw ym mhob neuadd breswyl ac i wneud popeth posibl i feithrin a chynnal amgylchedd preswyl diogel. Gall myfyrwyr o gefndiroedd amrywiol fyw, astudio a chymdeithasu mewn amgylchedd heddychlon a diogel. Rhagor o wybodaeth am Fentoriaid.